Cyrsiau cadw gwenyn

£40 y pen neu ragor
Edrychwch ar yr amrywiaeth o gyrsiau rydym ni’n eu cynnig

Angen gwirfoddolwyr!

Helpwch ni i helpu’r gwenyn

Dydd Llun
Ar gau ac eithrio Gwyliau Banc
Dydd Mawrth
13:00 - 16:00
Dydd Mercher - Dydd Sadwrn
10:00 - 16:00
Dydd Sul
11:00 - 16:00

Helpwch ni helpu'r gwenyn!

Dod yn aelod

O dim ond £2 y mis ar gyfer aelodaeth unigol

Cyrsiau Cadw Gwenyn

Os ydych chi’n ddechreuwr ac yn dymuno dysgu sut i gadw gwenyn, adeiladu cwch gwenyn neu fod yn agos at wenyn am y tro cyntaf, mae gennym ni gwrs sy’n addas i chi. Edrychwch ar yr amrywiaeth o gyrsiau sydd gennym ni i’w cynnig, o Ddiwrnod Blasu i Benwythnos Dwys ar gyfer Dechreuwyr, cliciwch ar yr un sy’n apelio atoch chi a gallwch chi archebu ar-lein heddiw.

Gellir archebu’r holl gyrsiau dros y ffon neu drwy ymweld â’n Ganolfan Ymwelwyr (01492 651106)

Diwrnodau Blas ar Gadw Gwenyn - Mehefin 2017

Lleoliad: Henfaes, Abergwyngregyn
Dyddiad: Sadwrn 24 Mehefin 2017
Amser: 9.30yb – 4.30yh
Pris: £60

Manylion

Mae'r diwrnodau hyn yn ddelfrydol i’r sawl sydd â diddordeb mewn gwenyn ac sy’n cychwyn cadw gwenyn ond sy’n ansicr ynghylch ymroddi i gwrs llawn. Maent hefyd yn addas fel anrheg profiad anghyffredin!

Bydd y sesiwn yn cychwyn yn y bore â chyflwyniad i fyd diddorol Gwenyn a chadw gwenyn. Yn y prynhawn, byddwch yn cael sesiwn ymarferol mewn gwenynfa ac yn cael cipolwg manwl ar ein Gwenyn, dan arweiniad un o’n gwenynwyr profiadol.

Byddwn yn trafod gwahanol fathau o wenyn, mathau o gychod gwenyn, diogelwch personol, sut i drin a thrafod gwenyn, iechyd gwenyn, gwahanol fathau o fêl, a sut i ddelio â'r cynhaeaf mêl.

Byddwch yn cael gwisg a menig trin gwenyn gennym i’w gwisgo yn ystod sesiwn y prynhawn gyda’r gwenyn. Mae’r gost yn £60 y pen yn cynnwys te / coffi trwy gydol y diwrnod.

Dewch â’ch welingtons a’ch cinio.

Cadw Gwenyn i Ddechreuwyr – Penwythnos Dwys Gorffennaf 2017

Cyrsiau Cadw Gwenyni Ddechreuwyr Cychwynnwch gadw gwenyn eleni!

Lleoliad: Henfaes, Abergwyngregyn
Dyddiad: Dydd Sadwrn a Dydd Sul 15 & 16 Gorffennaf 2017
Amser: 9.30yb – 5yh
Pris: £145

Manylion

A hoffech ddysgu rhagor am y creaduriaid diddorol hyn? A hoffech chi gadw gwenyn yn y dyfodol, ond nid ydych yn gwybod ble i gychwyn? Yna, dewch i ddysgu am yr holl elfennau y bydd angen ichi wybod amdanynt ar "Benwythnos Blas ar Gadw Gwenyn" Canolfan Genedlaethol Cadw Gwenyn Cymru.

Mae’r cwrs yn costio £145 yn unig, ac fe gewch gipolwg byw o fyd gwenyn a chadw gwenyn.

Mae’r yn cynnwys pryd dau gwrs blasus ar y ddau ddiwrnod, nodiadau a deunyddiau'r cwrs, a’r defnydd o offer amddiffynnol.

Trafodir y pynciau canlynol yn ystod y cwrs a bydd cyfle ichi holi unrhyw gwestiynau sydd gennych:

  • Cyflwyniad i nythfa'r gwenyn a chynhyrchion gwenyn.
  • Mathau o gychod gwenyn, offer a chadw cofnodion.
  • Gwneud fframiau.
  • Archwiliad elfennol o gychod; trin a thrafod fframiau; tanio teclyn mwg; defnyddio teclyn cwch gwenyn
  • Adnabod: Mamwenyn, gwenyn gweithgar, gwenyn segur
  • Rheoli heidiau – mae gennych gelloedd mamwenyn, beth ddylech chi wneud? Pa fath o gelloedd mamwenyn?
  • Plâu a chlefydau
  • Casglu’r mêl, clirio’r gwenyn o’r siwpers.
  • Bwydo
  • Cyfuno nythfeydd
  • Paratoi at y Gaeaf

Diwrnod Profi: Gwenyn, Mêl a Chystadleuaeth Bobi – Awst 2017

Cyrsiau Cadw Gwenyni Ddechreuwyr Cychwynnwch gadw gwenyn eleni!

Lleoliad: Bodnant Welsh Food, LL28 5RP
Dyddiad: Dydd Mercher 23 Awst 2017
Amser: 9:30 yb a 4:00 yp
Pris: £99

ARCHEBWCH NAWR

Manylion

Yn dilyn ein fformat ‘Diwrnod Profi’ arferol i’r sawl sydd â diddordeb mewn gwenyn a chadw gwenyn, rydym ni wedi cydweithio â Bwyd Cymru Bodnant i ddatblygu cwrs undydd yn cynnwys rhai o agweddau mwyaf diddorol ymddygiad gwenyn a gwneud mêl, ac wedi cyfuno hynny â chystadleuaeth ymarferol i bobi cacen fêl. Byddwch yn dysgu sut bydd gwenyn yn gwneud mêl, sut bydd y gwenynwr yn cymryd mêl o’r cwch, a sut caiff mêl ei dynnu o’r diliau.

Mae’r gweithgaredd yn cynnwys ymweliad â’r wenynfa gyda gwenynwr profiadol, ac fe gewch chi gyfle i weld cwch yn cael ei agor ac yn gweld y broses o wneud mêl ar waith. Darperir dillad amddiffynnol llawn.

Byddwch hefyd yn dysgu sut i dynnu’r cwyr o’r diliau a sut i dynnu’r mêl o’r diliau i’w botelu.

Gweinir cinio dau bryd blasus yng Ngwesty’r Llofft Wair.

Ar ôl cinio, bydd y prynhawn yn cael ei wario yn yr ysgol goginio dan arweiniad arbenigol o un o bobyddion Bodnant. Y dasg fydd bobi cacen fêl

yn yr ysgol goginio, gan ddefnyddio'r mêl a dynnwyd yn ystod sesiwn y bore. Cost y person £99 yn cynnwys te/coffi a chinio dau gwrs yn y Bwyty llofft wair. Dewch â'ch esdigiau glaw (wellingtons) ar gyfer yr ymweliad i'r wenynfa.

Cwrs Cyflwyniad i Gadw Gwenyn 2017/18

Winter Course: Cwrs Cyflwyniad i Gadw Gwenyn
Lleoliad: Canolfan Ymchwil Henfaes, Abergwyngregyn
(gadewch yr A55 ar Cyffordd 13)
Dyddiad: Medi 2017 hyd at Mai 2018
Amser: Wyth seshiwn gyda’r nos 7:30 yh – 9:30
yh ynghyd a seshiwn Dydd Sadwrn yn y Wenynfa 2:00 yp – 4:30 yp
Pris: £145

ARCHEBWCH NAWR

Manylion

Sesiwn 1
Yn y Wenynfa. Dydd Sadwrn 23 Medi, 2017, 2:00 y.p. - 4:30 y.p. yn Henfaes, Abergwyngregyn. Sesiwn ragarweiniol ymarferol – y gwenyn, y cychod gwenyn ble maent yn byw a’r grefft o gadw gwenyn. Darperir dillad amddiffynnol - gwisg, gorchudd a menig.

Sesiwn 2
Cyflwyniad i Wenyn a Chadw Gwenyn Dydd Mawrth 10 Hydref, 2017, 7.30 - 9.30 y.h. yn Henfaes.


Sesiwn 3

Nythfa’r Gwenyn. Dydd Mawrth 14 Tachwedd, 2017, 7.30 i 9.30 y.h. yn Henfaes.

Sesiwn 4

Cychod, fframiau ac offer – sesiwn ymarferol. Dydd Mawrth 5 Rhagfyr, 2017, 7.30 i 9.30 y.h. yn Henfaes.

Sesiwn 5

Echdynnu a Photelu’r Mêl. Dydd Mawrth 9 Ionawr, 2018, 7.30 i 9.30 y.h. yn Henfaes.

Sesiwn 6

Rheoli yn ystod yr Haf. Dydd Mawrth 13 Chwefror, 2018, 7.30 i 9.30 y.h. yn Henfaes.

Sesiwn 7

Paratoi at y gaeaf. Dydd Mawrth 13 Mawrth, 2018, 7.30 i 9.30 y.h. yn Henfaes.

Sesiwn 8

Heintiau ac afiechydon y gwenyn mêl. Dydd Mawrth 10 Ebrill, 2018, 7.30 i 9.30 y.h. yn Henfaes.

Sesiwn 9
Sesiwn ymarferol yn y Wenynfa. Dydd Sadwrn 21 Ebrill, 2018, 2.00-4.30 y.p., yn Henfaes.


Sesiwn 10

Adolygiad o’r Cwrs ac Adolygu - ‘Blwyddyn y Gwenynwr’. Dydd Mawrth 8 Mai, 2018, 7.30 i 9.30 y.h. yn Henfaes.

Lleoliad

O Fangor

  • Gadewch yr A55 yng nghyffordd 13, Abergwyngregyn.
  • Trowch i’r dde (cyntaf), yna i’r chwith (cyn y danffordd).
  • Daliwch ati nes gwelwch arwydd Henfaes ar y chwith. Trowch i’r chwith.
  • Tua diwedd y ffordd, cadwch i’r chwith ochr yn ochr â sgubor wedi’i
  • haddasu a pharciwch ar y buarth y tu ôl iddi.
  • Cynhelir y cyfarfod yn y sgubor sydd wedi’i haddasu.

O Gonwy

  • Gadewch yr A55 yng nghyffordd 13, Abergwyngregyn.
  • Trowch i’r dde, yna i’r dde eto (trwy'r danffordd), yna'r i'r dde eto yn syth
  • ar ôl y danffordd.
  • Daliwch ati nes gwelwch arwydd Henfaes ar y chwith. Trowch i’r chwith.
  • Tua diwedd y ffordd, cadwch i’r chwith ochr yn ochr â sgubor wedi’i
  • haddasu a pharciwch ar y buarth y tu ôl iddi.
  • Cynhelir y cyfarfod yn y sgubor sydd wedi’i haddasu.
  1. Cyfarwyddiadau i Henfaes (PDF)

Os ydych chi’n bwriadu teithio o bell i’n cyrsiau cadw gwenyn, mae’r gwestai a’r llety gwely a brecwast isod yn cynnig amrywiaeth o ddewisiadau sy’n addas i chwaeth a chyllideb y rhan fwyaf o bobl. Hyd yn oes os byddwch chi’n mynychu cwrs undydd, beth am fwynhau penwythnos neu wyliau byr? Rydym yn un o rannau pryferthaf y wlad, ac mae tref glan môr Fictoraidd Llandudno a thref gaerog Conwy a’i chastell godidog gerllaw, mae Gerddi Bodnant a Chanolfan Bwyd Cymru ar garreg ein dwrs yn llythrennol, ac mae mynyddoedd a llynoedd Parc Cenedlaethol Eryri yn agos iawn atom ni.

Furnace Farmhouse Ffemdy Ffwrnais:

Lleolir y llety gwely a brecwast ffermdy yng Nghanolfan Bwyd Cymru Bodnant, lleoliad ein Canolfan Cadw Gwenyn, ac mae’n cynnig 6 ystafell brydferth i westeion, ac mae bob un yn cynnwys golygfeydd trawiadol dros Aber Conwy. Mae’r llety yn goeth ac yn cynnwys dodrefn steilus, goleuadau gwaith haearn a ffabrigau a wnaed â llaw yng Nghymru; mae’n cynnig cyfle tawel i orffwys wedi diwrnod caled o ddysgu. www.bodnant-welshfood.co.uk/accommodation Rhif ffôn: 01492 651100

The Groes Inn
Tafarn y Groes: Mae Tafarn y Groes yn dafarn Brydeinig draddodiadol a leolir ychydig i lawr y lôn o’n canolfan. Mae’n westy a bwyty annibynnol sydd â digonedd o awyrgylch gwledig. Mae ein gwesty yn gwylio dros Aber ysgubol Conwy, ac rydym wedi’n bendithio â golygfeydd trawiadol, bwyd arobryn, bar llawn dewisiadau ac 14 ystafell wely hardd. Heb son am agosrwydd a chynhesrwydd tafarn leol! www.groesinn.com Rhif ffôn 01492 650545 www.groesinn.com
Travelodge Hotel, Bangor
Gwesty Travelodge, Bangor: Mae’r gwesty hwn ym Mangor wedi’i leoli’n hwylus yn agos at dref brifysgol fywiog Bangor ac yn agos at lefydd gwych i fynd i gerdded ym Mharc Cenedlaethol trawiadol Eryri. Mae traethau prydferth Ynys Môn gerllaw hefyd. www.travelodge.co.uk/hotels Ffôn: 08719 846061
The Castle Hotel, Conwy
Gwesty’r Castell, Conwy: Mae’r gwesty poblogaidd hwn yng Nghymru yn cynnig llety wedi’i gynllunio’n unigol. Mae gan y gwesty 27 ystafell wely ac mae’n cydymffurfio â safonau Plasty Trefol 4 Seren yr AA a Chroeso Cymru, ac mae’n teimlo fel gwesty ‘boutique’. Ychwanegiad diweddar yw ystafell driniaethau ‘Healing Hands’, sy’n boblogaidd iawn. www.castlewales.co.uk Ffôn: 01492 582300
Premier Inn, Llandudno

Premier Inn, Llandudno: Dewch i anadlu arwyr iach glan y môr yng Ngwesty Premier Inn yn Llandudno (Trwyn y Fuwch). Ar gyrion y dref glan môr draddodiadol hon, fe wnewch chi ganfod llawer iawn o uchafbwyntiau treftadaeth a harddwch naturiol trawiadol ar eich carreg drws. www.premierinn.com Rhif ffôn: 0871 527 8636

Tyn Hendre Farm
Fferm Tyn Hendre: Mae Tyn Hendre yn llety gwely a brecwast fferm dymunol iawn sy’n agos iawn at leoliad y cyrsiau. Mae’r tŷ 100 mlynedd oed hwn yn hen dŷ rheolwr Ystâd y Penrhyn sy’n edrych dros Draeth Lafan Culfor Menai gyferbyn â Biwmares. www.tynhendrefarm.co.uk Ffôn: 01248 362871
The Dunoon Hotel, Llandudno
Gwesty Dunoon, Llandudno: Mae Gwesty Dunoon yn adeilad hardd mewn tref glan môr Fictoraidd hardd; mae'n westy 50 ystafell wely sy’n llawn hen greiriau a phaneli derw, ceinder a ffurfioldeb yr oes a fu, cynhesrwydd ac agosatrwydd. Mae yma awyrgylch hamddenol a chyfforddus, nid tawel a pharchus, ac mae’r gwasanaeth yn bersonol a gwasanaethgar yn hytrach na ffyslyd a gormodol. www.dunoonhotel.co.uk Ffôn: 01492 860787